رساله لكل ولد وبنت

السلام عليكم ورحمه الله وبركاته

سأبدا كلامى مع الولد

يا أخى فى الله

1-صدقنى البنت اللى ترضى تسهر معاك وتخرج معاك ، وتتكلم معاها للصبح على الموبيل او النت مش هى ديه اللى هتنفع زوجة ليك وأم لأولادك

2-لو أنتا بتحبها يا أخى اخطبها أو أتركها ، واتقى الله فيها لأن بجد اللى عند ربنا مش هتاخده غير بالطاعة

3-لو كنت لسه ماوصلتش لوقت الخطوبة والجواز ، اشغل نفسك بحفظ القران والقراءة والرياضة واخذ الكورسات عشان ربنا يحفظك من الفتن ويرزقك بالزوجة الصالحة

4-لأزم تعرف أنك مخلوق للعبادة ،مش عشان تصاحب وتحب

5-الطيبون للطيبات والخبيثون للخبيثات ، فكن من الطيبين لتنال من الطيبات.

6-لازم تعرف أن البنت اللى خانت ثقة أهلها وكلمتك من وراهم بحجة الحب والصداقة هيجى يوم وهتخونك

ــــــــــــــــــــــــــــــــــــــــــــــــــــــــــــــــــــــــــ

أختى فى الله

1- لأزم تعرفى أن اضعف حاجة فيكى قلبك ، ف لأزم تملى قلبك بحب الله ف ممكن تعملى حاجات كتيرة زى مثلا تشتركى فى جمعيات خيرية وتحفظى قران وتاخدى كورسات

2-لأزم تعرفى زى ما الظروف جمعت صاحبك بيكى زى الجامعة مثلا ف كان من الممكن أن الظروف تجمع بينه وواحده تانية وبعد كده هتندمى

3-ما تتغريش بأخلاقك واخلاق صاحبك لأننا بجد فى الفتنة بيروح العقل خالص
ومن أشد الفتن فتة النساء على الرجال

4-ماتسمعيش كلام حد ،مثلا اصحابك بيكلموا ولاد وبيوزوكى انك تكلمى ماتسمعيش كلامهم وافتكرى كلام الله تعالى ((وإن تتبع أكثر من فى الارض يضلوك))


5-الحياء ثم الحياء ثم الحياء هوا بجد زينة المراة الحقيقية مش لبسها اللى او شكلها اللى بيعبر عن جمالها الروحى والاخلاقى والدينى ، وكونى كالملاك صعب المنال حتى تكتسبى احترام الجميع ورضا رب العالمين


يارب كل الشباب والبنات يحسوا بالكلام ويعملوا بيييه لأن افكار التحرر والاستعمار الفكرى والثقافى أصبحت تطاردنا كالاشباح